कपन संगीत सरोवरको २१६ औं श्रृङ्खलामा चित्रबहादुर केसी, मोहनविक्रम सिंहको उपस्थिति

नियमित शास्त्रीय तथा भक्ती संगीत कार्यक्रम गर्दै आएको कपन संगीत सरोवरले आफ्नो नियमित २१६ औं श्रृङ्खला सम्पन्न गरेको छ । कपनको बगलामुखी मन्दिर परिसरमा रहेको सरोवरको डबलीमा आयोजित कार्यक्रममा हेमराज पुनले शास्त्रीय गायन प्रस्तुत गरेका थिए । कार्यक्रममा गायक मधुसुदन खनालले भक्तिसंगीतको प्रस्तुति दिएका थिए ।

सरोवरको २१६ औं कार्यक्रममा विशेष श्रोताका रुपमा सांसद चित्रबहादुर के.सी., कम्युनिस्ट नेता मोहनविक्रम सिंह, जनगायक श्याम तमोटसहित बुढानीलकण्ठ नगरपालिका उपमेयर अनिता तामाङ उपस्थिति रहेको थियो । शास्त्रीय तथा भक्तिसंगीतको कार्यक्रम पूर्व सरोवरद्वारा संचालित संगीत प्रशिक्षण कार्यक्रमका पूर्वप्रशिक्षार्थी महिलाहरुले सामुहिक भजन गायन र नाच गान गरेका थिए ।