पत्रकार सविन पन्तले मेक्सिको जाने २५०० डलरको दुइतर्फी हवाई टिकट जिते

काठमाडौं। शिक्षण तथा पत्रकारितामा सक्रिय सविन पन्त पृथकले मेक्सिको जाने आउने हवाइ टिकट जितेका छन् । ०२५ जुन-जुलाई महिनामा हुने इन्टरनेशनल कन्भेन्सनमा मेक्सिको सिटी जानका लागि लायन्स क्लबले गरेको एक चिठ्ठा प्रतियोगितामा पन्तले प्रथम हुँदै सो पुरस्कार जितेका हुन् । पन्तले जितेको २५ सय डलर बराबरको हवाई टिकटलाई वर्ष २०२४/२५ का गभर्नर चण्डिप्रसाद अर्यालले काठमाडौंमा आयोजित एक कार्यक्रममा प्रदान गरेका छन् । सो टिकटलाई सन्जिब भट्टराईको ग्लोबल सर्विस ट्राभल प्रा.लि. ले प्रायोजन ग़रेको छ । यसअघि २०२३/२४ का गभर्नर भीमलाल पौड्यालले पन्तलाई डिजि मेडलसहित सम्मान गरेका थिए ।

लायन्स् क्लब अफ काठमाडौं टी कपन का चार्टर प्रेसिडेन्टसमेत रहेका पन्त गत वर्ष लायन्स क्लब इन्टरनेशनल डिस्ट्रिक ३२५ एम नेपालका मिडिया चिफ थिए भने यस वर्ष लायन्स ब्रान्डिङ हेड रहेका छन् । पन्त एचटिभि खबरका सम्पादक प्रकाशक हुन् ।