काठमाडौं उपत्यकाका नदी किनारमा रहेका अधिकांश सुकम्बासी बस्ती डुबे

काठमाडौँ – लगातारको वर्षाले काठमाडौँ उपत्यकाका नदी किनारका बस्ती डुबानमा परेका छन्। नदी किनारमा बसेका अधिकांश सुकम्बासी बस्ती डुबेका छन् । अस्ति रातिदेखि हिजो साँझसम्म परेको भारी वर्षासँगै काठमाडौँका नदी/खोलामा पानीको सतह बढ्दा नदी किनारका सुकुम्बासी बस्तीमा बाढी पसेको छ।

अस्ति रातिदेखिको लगातार वर्षाका कारण काठमाडौँ उपत्यकाका बागमती, विष्णुमती, धोबीखोला, हनुमन्तेलगायत खोलामा जलसतह बढेको छ।  कतिपय सडकमा पानी जमेर आवगमन प्रभावित भएको छ।