युवा विकास भवन निर्माण कार्य तत्काल रोक्न बुढानीलकण्ठ नगरपालिकालाई अदालतको आदेश

काठमाडौं । बुढानीलकण्ठ नगरपालिकाले वडा नं १० को बेख मार्गमा निर्माण गर्न लागेको युवा विकास भवन निर्माणको काम तत्काल रोक्न अदालतले आदेश जारी गरेको छ । उच्च अदालत पाटनले असार १६ गते आदेश जारी गर्दै तत्कालका लागि सो भवन निर्माणको काम रोक्न भनेको हो ।

स्थानीयले उजुरी गरेपछि विवादमा परेको कित्ता नं ३ को जग्गा नेपाल सरकारको नाममा रहेको र उक्त स्थानमा अन्य संरचना बन्दा यसले वातावारण र जनसमुदायमा प्रभाव पर्ने भएकाले सो संरचना तत्काल रोक्नु भनी पाटन उच्च उदालतले आदेश जारी गरेको हो ।

बेखमार्ग टोल सुधार समिति(महिला)को तर्फबाट शुभद्रा गौतमले बुढानीलकण्ठ नगरपालिकाविरुद्ध दायर गरेको रिटमा न्यायाधीश नारायणप्रसाद रेग्मीको इजलासले यस्तो आदेश जारी गरेको हो । अदालतले अर्को आदेश जारी नभएसम्मको लागि भनेर सो निर्माण तत्काल रोक्नु भन्ने आदेश गरेको छ । पाटन उच्चा अदालतको आदेश यसप्रकार छः