अबण्डाको बजेटमा व्यापक अनियमितता, मेयर उपमेयरको तजबीजमा कार्यकर्ता पोसिँदै !

काठमाडौं ।  बुढानीलकण्ठ नगरपालिकामा वित्तीय अनुशासन र पारदर्शिता विपरीत वार्षिक करोडौंको अवण्डा बजेट व्यवस्था गर्ने गरेको देखिएको छ । मेयर तथा उपमेयरको तजबीजमा जता पनि दिन सकिने अबण्डाको बजेट कार्यकर्ता एवम् आफन्त पोस्नका लागि दुरूपयोग भैरहेको महालेखा परीक्षकको प्रतिवेदनमा उल्लेख गरिएको छ । गत आर्थिक वर्षमा बुढानीलकण्ठले नगरपालिकाले ६ करोड अबण्डको बजेट व्यवस्था गरेर मेयर उपमेयरको तजबीजमा खर्च गरेको देखिएको हो।

महालेखा परिक्षकको प्रतिवेदनले ४३ वटा शीर्षक तथा खर्च रकमसहित अबण्डाको बजेट बारेमा उल्लेख गरेको छ  । यसरी भएको खर्चलाइ महालेखाले वित्तीय अनुशासन र पारदर्शिता कायम नभएको बताएको छ ।

यसरी खर्च गरिएको केहि शीर्षक यस प्रकार छन्ः

१, मंगल नगरकोटीको नामम् शोधभर्नाः १ लाख

२, जिंगल गीत तथा भिंडियाँ निर्माण ९९ हज़ार

३, कपन मार्ग उपभोक्ता समितिः २४ लाख

४, क्रिश्चियन कार्यक्रम संचालन १ लाख

५, कपन महिला विद्यालयः २ लाख

६, तालिम संचालन ५ लाख

७, विएमसी स्कुलमा बास्केटबल प्रतियोगिताः ४ लाख

८, वृत्तचित्र प्रतियोगिताः २ लाख

९, कक्षा आठको परीक्षा संचालन ५ लाख

१०, आइडियल बोर्डिङ संकुलः ७५ हज़ार

११, सरकारी विद्यालयमा दिवाखाजाः ११ लाख ३१ हज़ार आदि ।