गगन तिमी कसम खाऊ !

– कविता/गीतादेवी पौडेल दाहाल

त्यो मङ्सिर ४ को आशीर्वादलाई

खेर जान दिन्न

गगन तिमी कसम खाऊ ।

हामी पनि कसम खान्छौँ

तिमीलाई जिताउन ।

विदेशीको दलाल बन्न दिन्न

गगन तिमी कसम खाऊ ।

काठमाडौँ क्षेत्र न ४ मात्रै नभएर

नेपालभरिको विकासमा अगाडि बढ्छु भन

कसम खाऊ सहिदका सपनालाई पूरा गर्छु भन ।

उजाडिएका यी पौरखी हातहरूलाई,

रोजगारी सिर्जना गर्न अगाडि बढ ।

कसम खाऊ तिमी निरास भएका

बेराजगारी युवाहरूलाई

विदेश पलायन भएका युवा शक्तिलाई रोक ।

तिमी बिपीको सिद्धान्तमा अगाडि बढ

महिलामाथिको भेदभावलाई अन्त्य गर

कसम खाऊ तिमी

मङ्सिर ४ को जनताको आशीर्वादलाई

खेर फाल्दिनँ ।

जुन आशीर्वाद तिमीले

पक्कै सदुपयोग गर्छौ ।

कपन– फैका, काडमाडौँ ।