ट्विटर सर्वेक्षणः नयाँ प्रधानमन्त्रीकारूपमा केपि ओलीभन्दा गगन थापा भएकाे हेर्न चाहने धेरै

वरिष्ठ संचारकर्मी भुषण दहालले आफ्नाे सामाजिक सन्जाल ट्विटरमा गरेकाे सर्वेक्षणमा सबैभन्दा धेरैले गगन थापा प्रधानमन्त्री भएकाे हेर्न चाहेकाे प्रतिक्रिया दिएका छन् । दहालले आफ्नाे पपुलर ट्विटरमा एक साताअघि लिट्मस टेस्ट १ भनेर “यदि मंसिर ४ गतेको चुनावबाटै कसैलाई प्रत्येक्ष निर्वाचित प्रम बनाउन सके” भनेर एउटा पाेल सुरू गरेका थिए । साे पाेलमा ९३०८ जनाले भाेट गरेका छन् जसमध्ये प्रचण्डले ८.१ प्रतिशत, शेरबहादुर देउवाले २.४ प्रतिशत, केपि ओलीले २१.५ प्रतिशत र अरू काेही नयाँ मान्छेले ६८.१ प्रतिशत मत पाएका थिए ।

२ दिनअघि दहालले साेहि अघिल्लाे मतसँग् सम्बन्धित रहेर अर्काे ट्विट पाेल गरे, लिट्मस टेस्ट २ भनेर गरिएकाे अर्काे ट्विट यस्ताे थियाे, करिव दश हजार मतमा ६८% ले अरु कोहि नयाँ अनुहार भनेका छन् । अब को भैदिए हुन्थ्यो त्यो नयाँ अनुहारको प्रम ? यसमा संचारकर्मी दहालले ४ अप्सन दिएका थिए वर्तमान पुस्तामा चर्चित रवि लामिछाने, गगन थापा, राजेन्द्र लिङगदेन र हाेइन अरू नै काेही । याे पाेलमा याे समाचार तयार पार्दासम्म ७६१० जनाले भाेट गरेका छन् ।जसमध्ये सबैभन्दा धेरै ३१.४ प्रतिशतले गगन थापा प्रधानमन्त्री भएकाे हेर्न चाहेकाे बताएका छन् । त्यसपछि रवि लामिछानेले २७ प्रतिशत र राजेन्द्र लिङदेनले २५.६ प्रतिशत मत पाएका छन् भने हाेइन अरू काेही भन्ने शीर्षकमा १६. १ प्रतिशत मत आएकाे छ ।

काठमाडाैँ क्षेत्र नं ४ बाट चुनावी मैदानमा रहेका गगन थापाले यसपटक प्रधानमन्त्री बन्ने उद्घाेषका साथ चुनावी मैदानमा छन् । ९ महिना स्वास्थ्य मन्त्री बनेर राम्राे कामका कारण चर्चामा रहेका थापासँग ओली निकट राजन भट्टराइ चुनावी मैदानमा छन् ।