By 
नेपालमै पहिलोपल्ट पालिकास्तरमा पंक्षी अध्ययनका लागि मेचीनगर नगरपालिकाले बजेटको व्यवस्था गरेको छ ।आव २०७९/०८० को मेचीनगर नगरपालिकाको बजेटमा बन तथा वातावरण संरक्षण अन्तर्गत पंक्षी अध्यययन प्रोत्साहन कार्यक्रममा दुई लाख रुपैयाँ बिनियोजन गरिएको छ ।
नेपालको संरक्षित क्षेत्रबाहेक मेचीनगर नेपालकै सबैभन्दा बढी चरा पाइने पालिका भएको चरा खोजकर्ता देबेन्द्र खरेलले बताउने गरेका छन् ।उनले स्थानीय चुनावबाट नयाँ नगर नेतृत्व निर्वाचित भएपछि मेचीनगरलाई चरा संरक्षित क्षेत्र र चरा मार्न निषेधित क्षेत्र घोषणा गर्न माग गर्दै आएका छन् ।
नेकपा एमालेले स्थानीय चुनावमा जारी गरेको घोषणा पत्रमा समेत मेचीनगरमा चरा पर्यटन विस्तार र चरा संरक्षणका लागि अनुसन्धान गर्न पहल गर्ने प्रतिबद्धता व्यक्त गरेको नेकपा एमाले मेचीनगरका अध्यक्ष राजु पोखरेलले बताएका छन् ।
Comments