फाेहरले हिड्नै नसक्ने भएपछि यज्ञडाेल जगडाेल युवा क्लबले सरसफाइ विशेष अभियान चलायाे

बुढानिलकण्ठ ११ जगडाेल मार्गमा फाेहर जम्मा भएर सबैतिर दुर्गन्ध फैलिएर हिँड्दासम्म नाक थुन्न पर्ने भएपछि स्थानीय युवा क्लबले सरसफाइ अभियान संचालन गरेकाे छ । बुढानिलकण्ठ ११ काे यज्ञडाेल जगडाेल युवा क्लबले स्थानीय जनप्रतिनिधिसहित सम्मिलित गरेर फाेहर सरसफाइ तथा सरूवा राेग नियन्त्रण विशेष अभियान सुरू गरेकाे छ ।

असार १८ गते सनिवार जगडाेल मुख्य प्रवेश मार्गमा भरिएको खचाखच फाेहरहरूलाइ एकिकृत गरि पठाइएकाे थियाे ।क्लबका पदाधिकारी सदस्यहरूसहित स्थानीय जनप्रतिनिधि राजेन्द्रकुमार अधिकारी र उमेश चालिसेसहित स्थानीयवासीकाे उपस्थितिमा भएकाे सरसफाइ कार्यक्रममा फाेहरले सरूवाराेग ननिम्त्यायाेस् भनेर औषधि पनि छिटिएकाे थियाे ।

राष्ट्रिय सहिद पार्कमा आउनेहरुकै कारण फाेहर हुने गरे पनि पार्कले पैसामात्र उठाउन ध्यान दिएकाे तर सरसफाइमा ध्यान नदिएकाे प्रति स्थानीयवासीकाे गुनासाे रहँदै आएकाे छ ।